ԳՈՀԱԲԱՆԱԿԱՆ ԱՂՕԹՔ՝ ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՎԵՐԱՆԿԱԽԱՑՄԱՆ ՏՕՆԻՆ ԱՌԻԹՈՎ

Կիրակի, 20 Սեպտեմբեր 2015-ի առաւօտեան ժամը 11։00-ին, Թորոնթոյի «Ս. Աստուածածին» եկեղեցւոյ մէջ մատուցուեցաւ Ս. եւ Անմահ Պատարագ, ներկայութեամբ Ազգ. Վարչութեան, Երեսփոխաններու, Հոգաբարձութեան, այլ միութիւններու ներկայացուցիչներ եւ հաւատացեալներ։

Ս. եւ Անմահ Պատարագը մատուցեց եւ յաւուր պատշաճի քարոզեց՝ եկեղեցւոյս Հոգեւոր Հովիւ՝ Հոգշ. Տ. Ստեփանոս Վրդ. Փաշայեան։ Նախքան քարոզի պահը, Հոգշ. Հայր Սուրբի գլխաւորութեամբ եւ ընկերակցութեամբ եկեղեցւոյս Սարկաւագներուն ու Դպիրներուն կատարուեցաւ Հայաստանի Հանրապետութեան Վերանկախացման տօնին առիթով յատուկ Գոհաբանական Աղօթք։ Ապա Հոգշ. Հայր Սուրբը իր քարոզին մէջ անդրադարձաւ Հայաստանի Հանրապետութեան Վերանկախութեան մասին, դրուատիքով խօսեցաւ մեր Հայրենիքի Կրօնական եւ Քաղաքական ղեկավարներուն մասին, ինչպէս նաեւ անդրադարձաւ Արցախի հզօրացման ճամբուն ընթացքին բոլոր ազատամարտիկներուն ու հերոսներուն, որոնք զոհուեցան եւ կամ կը շարունակեն պայքարիլ թշնամուն դէմ։

Աւարտին, տեղի ունեցաւ Հոգեհանգստեան պաշտօն։