ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆԵՐՆ ՈՒ ՀՈԳԱԲԱՐՁՈՒԹԵԱՆ ՆԵՐԿԱՅԱՑՈՒՑԻՉԸ ՆԵՐԿԱՅ ԿԸ ԳՏՆՈՒԻՆ «ԱՐՈՒԵՍՏ ԵՒ ՅԻՇՈՂՈՒԹԻՒՆ» ՑՈՒՑԱՀԱՆԴԷՍԻ ՊԱՇՏՕՆԱԿԱՆ ԲԱՑՄԱՆ ԸՆԴՈՒՆԵԼՈՒԹԵԱՆ

Հինգշաբթի, 24 Սեպտեմբեր 2015-ի երեկոյեան ժամը 7։00-ին, Թորոնթոյի Arta Gallery-ի մէջ, կազմակերպութեամբ Հայկական Ցեղասպանութեան 100-ամեակի Գանատայի Մարմնին (Ontario), տեղի ունեցաւ «Արուեստ եւ Յիշողութիւն» Ցուցահանդէսի պաշտօնական բացման ընդունելութիւնը, որուն ներկայ գտնուեցան նաեւ եկեղեցւոյս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեան, Արժ. Տ. Կոմիտաս Աւ. Քհնյ. Փանոսեան եւ եկեղեցւոյս Հոգաբարձութեան ներկայացուցիչ՝ Տիար Յարութ Մաթոսեան։ Նշենք, որ սոյն Ցուցահանդէսին ցուցադրուեցան 33 Գանատահայ արուեստագէտներու քանդակները, նկարչութիւններն ու լուսանկարները, նիւթ ունենալով՝ Հայոց Եղեռնը։

Հոգեւոր Հովիւներն ու Հոգաբարձութեան ներկայացուցիչը շնորհաւորեցին արուեստագէտներն ու անոնց աշխատանքները, ինչպէս նաեւ կազմակերպիչ յանձնախումբի անդամ-անդամուհիները եւ մաղթեցին յարատեւութիւն եւ յաջողութիւն իրենց կատարած անխոնջ աշխատանքին։