ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆ ՈՒ ՀՈԳԱԲԱՐՁՈՒԹԵԱՆ ՆԵՐԿԱՅԱՑՈՒՑԻՉԸ ՆԵՐԿԱՅ ԿԸ ԳՏՆՈՒԻՆ ՀԱՅԱՍՏԱՆԻ ԵՒ ԱՐՑԱԽԻ ՀԱՆՐԱՊԵՏՈՒԹԵԱՆՑ ԱՆԿԱԽՈՒԹԵԱՆ 24-ԱՄԵԱԿԻ ՏՕՆԱԽՄԲՈՒԹԵԱՆ

Ուրբաթ, 18 Սեպտեմբեր 2015-ի երեկոյեան ժամը 8։00-ին, Թորոնթոյի Հայ Երիտասարդական Կեդրոնի “Համազգային” Թատերասրահէն ներս, հովանաւորութեամբ Գանատայի մօտ Հայաստանի Հանրապետութեան Արտակարգ եւ Լիազօր Դեսպան՝ Տիար Արմէն Եգանեանի, նախաձեռնութեամբ Հայ Ազգ. Երեք Կուսակցութիւններուն եւ կազմակերպութեամբ Թորոնթոյի Միջ-կուսակցական Յանձնախումբին, տեղի ունեցաւ Հայաստանի եւ Արցախի Հանրապետութեանց անկախութեան 24-ամեակի տօնախմբութիւնը, որուն ներկայ գտնուեցան նաեւ եկեղեցւոյս Հոգեւոր Հովիւ՝ Հոգշ. Տ. Ստեփանոս Վրդ. Փաշայեան եւ եկեղեցւոյս Հոգաբարձութեան ներկայացուցիչ՝ Տիկին Արմինէ Պետրոսեան։

Հոգշ. Հայր Սուրբն ու Հոգաբարձութեան ներկայացուցիչը շնորհաւորեցին Պրն. Դեսպանը ու մաղթեցին Հայաստանի եւ Արցախի Հանրապետութեանց յարատեւ վերելք ու նպատակասլաց ապագայ։