ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԱՐԺԱՆԸՆՏԻՐ ԳԱՀԱԿԱԼ՝ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻ ՍԻՍԻ ԿԱԹՈՂԻԿՈՍԱՐԱՆԻ ՊԱՏԳԱՄԻ ԸՆԹԵՐՑՈՒՄ՝ ԹՈՐՈՆԹՈՅԻ ՄԷՋ

Կիրակի, 6 Սեպտեմբեր 2015-ի առաւօտեան ժամը 11։00-ին, Թորոնթոյի «Ս. Աստուածածին» եկեղեցւոյ մէջ մատուցուեցաւ Ս. եւ Անմահ Պատարագ, ներկայութեամբ Պատգամաւորներուն, Ազգ. Վարչութեան, Երեսփոխաններու, Հոգաբարձութեան, այլ միութիւններու ներկայացուցիչներու եւ հաւատացեալներու։ Ս. եւ Անմահ Պատարագը մատուցեց՝ եկեղեցւոյս Ծխատէր՝ Արժ. Տ. Կոմիտաս Աւ. Քհնյ. Փանոսեան։

Արժանապատիւ Տէր Հայրը իր քարոզին մէջ անդրադարձաւ Մեծի Տանն Կիլիկիոյ Կաթողիկոսութեան Արժանընտիր Գահակալ՝ Ն.Ս.Օ.Տ.Տ. Արամ Ա. Վեհափառ Հայրապետի դերակատարութեան ու հանգամանքին մասին, յատկապէս միջազգային գետնի վրայ, ինչպէս նաեւ այս առիթով ընթերցեց Վեհափառ Հօր Սիսի Կաթողիկոսարանի կապուած յատուկ Պատգամը՝ ուղղուած մեր ժողովուրդի զաւակներուն։

Աւարտին, տեղի ունեցաւ Հոգեհանգստեան պաշտօն։