ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆԵՐԸ ԻՐԵՆՑ ՄԱՍՆԱԿՑՈՒԹԻՒՆԸ ԲԵՐԻՆ ՀՈԳԵՒՈՐԱԿԱՆԱՑ ՄԻԱՑԵԱԼ ՀԱՄԱԳՈՒՄԱՐԻՆ

 

            5-9 Հոկտեմբեր 2015-ի Ամերիկայի Միացեալ Նահանգներու Նիւ Ճըրզի նահանգի «Ս. Վարդանանց» եկեղեցւոյ հիւրընկալութեամբ եւ հանդիսապետութեամբ Հիւսիսային Ամերիկայի Արեւելեան, Արեւմտեան եւ Գանատայի Թեմերու Առաջնորդ Սրբազան Հայրերու՝ Գերշ. Տ. Օշական Սրբ. Արք. Չօլոյեանի (Առաջնորդ Հիւսիսային Ամերիկայի Արեւելեան Հայոց Թեմին), Գերշ. Տ. Մուշեղ Սրբ. Արք. Մարտիրոսեանի (Առաջնորդ Հիւսիսային Ամերիկայի Արեւմտեան Հայոց Թեմին) եւ Գերշ. Տ. Մեղրիկ Սրբ. Եպս. Բարիքեանի (Առաջնորդ Գանատայի Հայոց Թեմին) տեղի ունեցաւ Հոգեւորականաց Միացեալ Համագումարը՝ Սրբոց Թարգմանչաց Տօնին առիթով։ Յայտնենք, որ Տիրախնամ Թեմիս Առաջնորդ՝ Գերշ. Տ. Մեղրիկ Սրբ. Եպս. Բարիքեան կամքէ անկախ պատճառներով չկրցաւ մասնակցիլ սոյն համագումարին՝ իր հօր մահուան գոյժը ստանալով։ Սոյն Համագումարին մասնակցեցան Հիւսիսային Ամերիկայի Արեւելեան, Արեւմտեան եւ Գանատայի Թեմերու Հոգեւորականները, նշանաբան ունենալով՝ «Վերանորոգել Յանձնառութիւն՝ Նահատակներու Կտակով»։ Սոյն Համագումարին իրենց մասնակցութիւնը բերին եւս եկեղեցւոյս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեան եւ Արժ. Տ. Կոմիտաս Աւ. Քհնյ. Փանոսեան։

       Հնգօրեայ տեւողութեան ընթացքին, Հոգեւորականները միասնաբար կատարեցին առաւօտեան եւ երեկոյեան ժամերգութիւններ, Խորհրդածութիւններ, Դասախօսական շարքեր, զեկոյցներ, Հովիւի առօրեայէն բղխած հարցեր, թելադրութիւններ եւ առաջարկներ, Ս. եւ Անմահ Պատարագի եւ գեղարուեստական յայտագիրներու մասնակցութիւն, այցելութիւններ՝ Դպրոց եւ Ծերանոց, 2001 թուականի Սեպտեմբեր ամսուն մէջ տեղի ունեցած աղէտի վայրին վրայ կառուցուած թանգարանը, Միացեալ Ազգերու Կազմակերպութեան Կեդրոնավայրը, ինչպէս նաեւ պտոյտ մը Նիւ Եորք Քաղաք եւ Մէնհէթըն։

          Եկեղեցւոյս Հոգեւոր Հովիւները իրենց վերանորոգեալ յանձնառութեամբ ուխտեցին շարունակել իրենց երթը մեր նահատակներու կատով ու արեամբ եւ այդպէս վերադարձան իրենց հովուական պաշտօնին՝ Թորոնթօ։

12088037_847117442062663_2127368080747018517_n 12074560_847117572062650_4369186304712618871_n 12049432_847117552062652_7201585079625069469_n 10537034_847117498729324_1937616516585212863_n 16448_847117598729314_54686692221819222_n 12088505_847117332062674_6548388381669506460_n 12096432_847117415395999_2326957094404973124_n 12106699_847117508729323_376146598458289593_n 12107085_847117388729335_3845240868541229797_n 12108732_847117395396001_5104852189124786507_n 12108733_847117345396006_8581210030322613973_n 12109219_847117628729311_7079082930816079671_n 12115569_847117518729322_4560042011242488195_n 12141643_847117335396007_7487243247634904833_n