ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆԵՐԸ ՆԵՐԿԱՅ ԿԸ ԳՏՆՈՒԻՆ Հ.Օ.Մ.-Ի ԵՐԿՐՈՐԴԱԿԱՆ ՎԱՐԺԱՐԱՆԻ, «ԳՈԼՈԼԵԱՆ» ՆԱԽԱԿՐԹԱՐԱՆԻ ԵՒ «ՊԱՊԱՅԵԱՆ» ՄԱՆԿԱՊԱՐՏԷԶԻ ՍՐԲՈՑ ԹԱՐԳՄԱՆՉԱՑ ՏՕՆԻ ՆՇՄԱՆ

     Ուրբաթ, 16 Հոկտեմբեր 2015-ի կէսօրէ ետք ժամը 3։00-ին, «Համազգային» թատերասրահէն ներս, կազմակերպութեամբ Հ.Օ.Մ.-ի Երկրորդական Վարժարանի, «Գոլոլեան» Նախակրթարանի եւ «Պապայեան» Մանկապարտէզի աշակերտութեան, տեղի ունեցաւ Սրբոց Թարգմանչաց Տօնին նուիրուած գեղարուեստական կոկիկ յայտագիր, ներկայութեամբ Դպրոցի Տնօրէնութեան, Ուսուցչական Կազմին, Բարերարներուն, ծնողներուն եւ աշակերտութեան, որուն ներկայ գտնուեցան նաեւ եեղեցւոյս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեանն ու Արժ. Տ. Կոմիտաս Աւ. Քհնյ. Փանոսեանը։

         Աւարտին, Հոգշ. Հայր Սուրբը Սրբոց Թարգմանչաց Տօնին առիթով գնահատեց Դպրոցի մեծ ընտանիքը եւ յորդորեց բոլորին, ըսելով. «Նոյն ոգին, նկարագիր կերտելու երազը, որ մեզի փոխանցուեցաւ Սուրբ Մեսրոպ Մաշտոցին կողմէ, պահեցէք անաղարտ, մաքուր եւ փորձեցէք մշտական կերպով տարածել ամենուրէք…»։

          Գեղարուեստական ծրագիրը աւարտեցաւ Հոգշ. Հայր Սուրբի «Պահպանիչ…» աղօթքով։

A.R.S._Armenian_School_Building_1