ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆԵՐԸ ՆԵՐԿԱՅ ԿԸ ԳՏՆՈՒԻՆ ՀԱՅ ԿԵԴՐՈՆԻ ԵՐԷՑՆԵՐՈՒ ԸՆԿԵՐԱԿՑՈՒԹԵԱՆ ԳՈՀԱԲԱՆԱԿԱՆ ՕՐՈՒԱՆ ՃԱՇԿԵՐՈՅԹ ԽՐԱԽՃԱՆՔԻՆ

         Երեքշաբթի, 13 Հոկտեմբեր 2015-ի կէսօրուան ժամը 12։00-էն սկսեալ, Հայ Կեդրոնի Երէցներու Ընկերակցութեան հրաւէրով, եկեղեցւոյս «Յովնանեան» ներքնասրահէն ներս տեղի ունեցաւ Հայ Կեդրոնի Երէցներու Ընկերակցութեան Գոհաբանական Օրուան ճաշկերոյթ խրախճանքը, որուն ներկայ գտնուեցան եկեղեցւոյս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեան, Արժ. Տ. Կոմիտաս Աւ. Քհնյ. Փանոսեան։

         Հոգշ. Հայր Սուրբը ամփոփ գիծերու մէջ ներկայացուց օրուան պատգամը եւ յորդորեց յատկապէս երէցներուն, մշտական կերպով շնորհակալ ըլլալ Աստուծոյ ու փառք տալու ամէն օրուան ու ամէն ինչի համար։

           Ուրախ մթնոլորտին մէջ, երէցները առիթը ունեցան իրար աւելի մօտենալու ու ծանօթանալու, ինչպէս նաեւ զուարճացան, երգեցին, պարեցին ու կատարեցին նուիրատուութիւններ։

about-us