Ս. ՊԱՏԱՐԱԳ՝ ՍԷՆԹ ԳԷԹՐԻՆԶԻ (ST. CATHERINES) ՄԷՋ

        Կիրակի, 18 Հոկտեմբեր 2015-ի առաւօտեան ժամը 11։00-ին, եկեղեցւոյս Հոգեւոր Հովիւ՝ Հոգշ. Տ. Ստեփանոս Վրդ. Փաշայեան, ընկերակցութեամբ Գանատայի Հայոց Թեմի Ազգ. Վարչութեան Փոխ-Ատենապետ՝ Տիար Յարութ Գասապեանի, Ազգ. Պատգամաւոր, Երեսփոխան, Վարչութեան Անդամ, Սէնթ Գէթրինզի (St. Catherines) «Ս. Պօղոս» Հայց. Առաքելական եկեղեցւոյ կապ՝ Տիկին Օսիկ Մխսիարթինեանի, ինչպէս նաեւ խումբ մը Թորոնթոյի «Ս. Աստուածածին» եկեղեցւոյ «Զարեհ Ազնաւորեան» Դպրաց Դասի անդամ-անդամուհիներու եւ Սարկաւագներու, մեկնեցան Սէնթ Գէթրինզ (St. Catherines), մատուցելու Ս. Պատարագ եւ իրենց մասնակցութիւնը բերելու։

          Ս. Պատարագը սկսաւ կէսօրուան ժամը 1։00-ին, մատուցմամբ՝ Հոգշ. Հայր Սուրբին, ներկայութեամբ 25 հաւատացեալներու։ Հոգեշնորհ Հայր Սուրբը իր քարոզի բնաբանը առած էր օրուան աւետարանական հատուածէն բաժին մը, ուր կ’ըսէր. «Տիրոջ Հոգին վրաս է. որովհետեւ զիս օծեց եւ ղրկեց՝ աղ-քատներուն փրկութեան աւետիս տալու» (Ղկ 4.18)։ Հոգշ. Հայր Սուրբը նաեւ յորդորեց Սէնթ Գէթրինզի (St. Catherines) հաւատացեալ ժողովուրդին, համախմբուելու եկեղեցւոյ եւ կեդրոնին շուրջ եւ ապահովելու Համայնքի Ազգային ու Հոգեւոր շահերը, զանց ընելով անձնական շահեր։ Ս. Պատարագի աւարտին, տեղի ունեցաւ Հոգեհանգստեան արարողութիւն։

          Նշենք, որ Գանատայի Հայոց Թեմի Ազգ. Վարչութեան եւ Սէնթ Գէթրինզի (St. Catherines) «Ս. Պօղոս» Հայց. Առաքելական Ս. Եկեղեցւոյ Հոգաբարձութեան խորհրդակցութեամբ, 2015 տարուան Հոկտեմբեր ամսուընէ սկսեալ, արդէն Սէնթ Գէթրինզի (St. Catherines) Ս. Պատարագները կը մատուցուին ամսական դրութեամբ, ամէն ամսուան երրորդ Կիրակին եւ հերթականօրէն եկեղեցւոյս Հոգեւոր Հովիւները իրենց մասնակցութիւնը կը բերեն։

          Նոյն երեկոյեան անոնք վերադարձան Թորոնթօ։

2585439