ԳԱՆՁԱՍԱՐԻ ՀԵՐՈՍ ԵՒ ԴԱԴԻ ՎԱՆՔԻ ՇՐՋԱՆԻ ԵՒ ՎԱՂՈՒՀԱՍԻ ՀՈԳԵՒՈՐ ՀՈՎԻՒ՝ ԱՐԺ. Տ. ՅՈՎՀԱՆՆԷՍ ՔՀՆՅ. ՅՈՎՀԱՆՆԷՍԵԱՆ ԱՅՑԵԼԵՑ «Ս. ԱՍՏՈՒԱԾԱԾԻՆ» ԵԿԵՂԵՑԻ

               Երեքշաբթի, 20 Հոկտեմբեր 2015-ի առաւօտեան ժամը 11։00-ին, Գանձասարի Հերոս եւ Դադի Վանքի Շրջանի եւ Վաղուհասի Հոգեւոր Հովիւ՝ Արժ. Տ. Յովհաննէս Քհնյ. Յովհաննէսեան, ընկերակցութեամբ Թորոնթոյի «Հայաստան Համահայկական Հիմնադրամ»ի Ատենապետ՝ Տիար Մկրտիչ Մկրտիչեանի, Թորոնթոյի Հ.Յ.Դ. «Ս. Թեհլիրեան» Կոմիտէի Հերթապահ՝ Տիար Յակոբ Ճանպազեանի եւ Փոխ-Ատենապետ՝ Տիար Արմէն Կէտիկեանի այցելեցին «Ս. Աստուածածին» եկեղեցի եւ հանդիպում մը ունեցան եկեղեցւոյս Հոգեւոր Հովիւ՝ Հոգշ. Տ. Ստեփանոս Վրդ. Փաշայեանի։

          Եկեղեցւոյ մէջ տեղի ունեցաւ փոքրիկ աղօթք եւ ապա Հոգեւոր Հովիւի գրասենեակէն ներս տեղի ունեցաւ հանդիպումը, ներկայութեամբ եկեղեցւոյս Հոգեւոր Հովիւի Օգնական եւ Ծխատէր՝ Արժ. Տ. Կոմիտաս Աւ. Քհնյ. Փանոսեանի, Գանատայի Հայոց Թեմի Ազգ. Վարչութեան Անդամ՝ Օրդ. Ժիւլիէթ Սարգիսեանի, Ազգ. Երեսփոխան՝ Տիկ. Սիւզի Գալթակեանի, եկեղեցւոյս Հոգաբարձութեան Ատենապետ՝ Տիար Գառնիկ Պուճուքեանի, Թորոնթոյի «Հայաստան Համահայկական Հիմնադրամ»ի Ատենապետ՝ Տիար Մկրտիչ Մկրտիչեանի, Թորոնթոյի Հ.Յ.Դ. «Ս. Թեհլիրեան» Կոմիտէի Հերթապահ՝ Տիար Յակոբ Ճանպազեանի եւ Փոխ-Ատենապետ՝ Տիար Արմէն Կէտիկեանի։

          Հանդիպման ընթացքին խօսք առին եկեղեցւոյս Հոգեւոր Հովիւ՝ Հոգշ. Տ. Ստեփանոս Վրդ. Փաշայեան, եկեղեցւոյս Հոգաբարձութեան Ատենապետ՝ Տիար Գառնիկ Պուճուքեան եւ Թորոնթոյի Հ.Յ.Դ. «Ս. Թեհլիրեան» Կոմիտէի Հերթապահ՝ Տիար Յակոբ Ճանպազեան, բարի գալուստ մաղթելով Արժանապատիւ Տէր Հօր եւ նիւթապէս ու բարոյապէս թեւ թիկունք կանգնելով մեր Հայրենիքին ու մանաւանդ Արցախի մեր հզօր Բանակին։

        Այս ուրախ առիթով, Հոգշ. Հայր Սուրբը յարմար գտաւ եկեղեցւոյս անունով փոքրիկ յուշանուէր մը յանձնել Արժանապատիւ Տէր Հօր եւ ապա Հայ Կեդրոնի սրահէն ներս, հիւրընկալութեամբ Տիար Յակոբ Ճանպազեանի տեղի ունեցաւ աւանդական ճաշ։ Ճաշի ընթացքին խօսք առին նաեւ հիւր Արժանապատիւ Տէր Հայրը, Արժ. Տ. Կոմիտաս Աւ. Քհնյ. Փանոսեանն ու Տիար Յակոբ Ճանպազեանը։

IMG_20151020_122224 IMG_20151020_122222 IMG_20151020_111107 IMG_20151020_111049