ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆԵՐՆ ՈՒ ՀՈԳԱԲԱՐՁՈՒԹԵԱՆ ՆԵՐԿԱՅԱՑՈՒՑԻՉՆԵՐԸ ՆԵՐԿԱՅ ԿԸ ԳՏՆՈՒԻՆ Ս. ԳՐԻԳՈՐ ՆԱՐԵԿԱՑԻԻ ՆՈՒԻՐՈՒԱԾ ԳԵՂԱՐՈՒԵՍՏԱԿԱՆ ՁԵՌՆԱՐԿԻՆ

        Կիրակի, 25 Հոկտեմբեր 2015-ի երեկոյեան ժամը 6։00-ին, Հայ Կաթողիկէ «Ս. Գրիգոր Լուսաւորիչ» եկեղեցւոյ Մշակութային Յանձնախումբի կազմակերպութեամբ եւ հրաւէրով, տեղւոյն եկեղեցւոյ մէջ տեղի ունեցաւ Հայոց Ցեղասպանութեան 100-ամեակին առթիւ՝ Ս. Գրիգոր Նարեկացիի նուիրուած գեղարուեստական կոկիկ ձեռնարկ, որուն ներկայ էին Հոգեշնորհ Հայր Սուրբը, Արժանապատիւ Տէր Հայրը, եկեղեցւոյս Հոգաբարձութեան Ատենապետ՝ Տիար Գառնիկ Պուճուքեանն ու իր սիրասուն Տիկինը եւ եկեղեցւոյս Հոգաբարձութեան Փոխ-Ատենապետ՝ Տիկ. Արմինէ Պետրոսեանը։

         Գեղարուեստական յայտագիրէն ետք տեղի ունեցաւ կոկիկ հիւրասիրութիւն։