ԵԿԵՂԵՑՒՈՅՍ ՀՈԳԵՒՈՐ ՀՈՎԻՒՆԵՐԸ ՆԵՐԿԱՅ ԿԸ ԳՏՆՈՒԻՆ «ԱՆՄՈՌՈՒԿ» (FORGET-ME-NOT) ԴԱՍԱԿԱՆ ԵՐԱԺՇՏԱԿԱՆ ԵՐԵԿՈՅԵԱՆ

             Շաբաթ, 7 Նոյեմբեր 2015-ի երեկոյեան ժամը 8։00-ին, հրաւէրովն ու կազմակերպութեամբ Օնթարիոյ Հայոց Ցեղասպանութեան 100 ամեակի Յանձնախումբին, George Weston Recital Hall of the Toronto Centre for the Arts-ի մէջ, տեղի ունեցաւ «Անմոռուկ» (Forget-Me-Not) դասական երաժշտական երեկոյ՝ ձօնուած Հայ Ազգի գոյատեւող ոգիին, կատարողութեամբ՝ Սինֆոնիա Թորոնթոյի, ղեկավարութեամբ՝ Խմբավար Նուրհան Արմանի, մասնակցութեամբ՝ Համաշխարհային Soprano՝ Յասմիկ Պապեանի եւ փայլուն Ջութակահար՝ Նունէ Մելիքեանի։

          Այս առթիւ, եկեղեցւոյս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեան եւ Արժ. Տ. Կոմիտաս Աւ. Քհնյ. Փանոսեան ներկայ գտնուեցան սոյն երաժշտական ձեռնարկին եւ ըմբոշխնեցին Հայկական հիասքանչ երաժշտական արուեստ։

CCI01mlnjin11092015