ՆՈՐ ՏԱՐՈՒԱՆ ԵՒ Ս. ԾՆՆԴԵԱՆ ԾԱՌԻ ԵՒ ՄՍՈՒՐԻ ԼՈՒՍԱՒՈՐՈՒՄ

         Ուրբաթ, 27 Նոյեմբեր 2015-ի երեկոյեան ժամը 7։00-ին, բարձր հովանաւորութեամբ Տիրախնամ Թեմիս Առաջնորդ՝ Գերշ. Տ. Մեղրիկ Ս. Եպս. Բարիքեանի, տնօրինութեամբ՝ եկեղեցւոյս Հոգաբարձութեան, կազմակերպութեամբ եկեղեցւոյս Քրիստոնէական Դաստիարակութեան Յանձնախումբին, մասնակցութեամբ եկեղեցւոյս «Զարեհ Ազնաւորեան» Կրտսերաց Դպրաց Դասի անդամ-անդամուհիներուն եւ ներկայութեամբ Թորոնթոհայ հաւատացեալներու հոծ բազմութեան, եկեղեցւոյս շրջաբակին մէջ տեղի ունեցաւ Նոր Տարուան եւ Ս. Ծննդեան Ծառի եւ Մսուրի լուսաւորումը, նախագահութեամբ Օրդ. Էօժենի Շէհիրեանին։ Սոյն ձեռնարկին ներկայ էին նաեւ շրջանիս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեանն ու Արժ. Տ. Կոմիտաս Աւ. Քհնյ. Փանոսեանը, Ազգ. Պատգամաւորներու, Ազգ. Վարչութեան, Ազգ. Երեսփոխաններու, Հոգաբարձութեան, Յանձնախումբերու եւ միութիւններու անդամ-անդամուհիներ։

         Բացման խօսքով հանդէս եկաւ եկեղեցւոյս Քրիստոնէական Դաստիարակութեան Յանձնախումբի Ատենապետուհի՝ Օրդ. Մարիա Չամիչեան, որմէ ետք Օրդ. Շէհիրեան Ծառի եւ Մսուրի լուսաւորումը կատարեց ու անոր յաջորդեց եկեղեցւոյս «Զարեհ Ազնաւորեան» Կրտսերաց Դպրաց Դասի Նոր Տարուան եւ Ս. Ծննդեան երգերու շարանն ու Կաղանդ Պապուկի ներկայութիւնը շրջաբակին մէջ։

20151201_225016 20151128_180021 20151128_180019 20151128_175923 20151128_175920