ՆՈՐ ՏԱՐՈՒԱՆ ԵՒ Ս. ԾՆՆԴԵԱՆ ՏՕՆԱՎԱՃԱՌ (BAZAAR)

        Ուրբաթ, 27 Նոյեմբեր 2015-ի երեկոյեան ժամը 7։30-ին, բարձր հովանաւորութեամբ Տիրախնամ Թեմիս Առաջնորդ՝ Գերշ. Տ. Մեղրիկ Ս. Եպս. Բարիքեանի, տնօրինութեամբ եկեղեցւոյս Հոգաբարձութեան, կազմակերպութեամբ եկեղեցւոյս Քրիստոնէական Դաստիարակութեան Յանձնախումբին եւ ներկայութեամբ Թորոնթոհայ հաւատացեալներու հոծ բազմութեան, եկեղեցւոյս «Յովնանեան» ներքնասրահին մէջ տեղի ունեցաւ Նոր Տարուան եւ Ս. Ծննդեան եկեղեցւոյս տօնավաճառը (Bazaar), նախագահութեամբ Տիկ. Զապէլ Մազեանին։ Սոյն ձեռնարկին ներկայ էին նաեւ շրջանիս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեանն ու Արժ. Տ. Կոմիտաս Աւ. Քհնյ. Փանոսեանը, Ազգ. Պատգամաւորներու, Ազգ. Վարչութեան, Ազգ. Երեսփոխաններու, Հոգաբարձութեան, Յանձնախումբերու եւ միութիւններու անդամ-անդամուհիներ։

       Բացման խօսքով հանդէս եկաւ եկեղեցւոյս Քրիստոնէական Դաստիարակութեան Յանձնախումբի անդամուհի՝ Օրդ. Լենա Պէքարեան, որմէ ետք Տիկ. Մազեան ժապաւէնի հատումով բացումը կատարեց եկեղեցւոյս տօնավաճառին (Bazaar)։ Տօնավաճառը շարունակուեցաւ մինչեւ Կիրակի, 29 Նոյեմբեր 2015-ի երեկոյեան։

20151127_194919 20151127_194922 20151127_194925