ՅՈՒՇ ԵՐԵԿՈՅ՝ ՆՈՒԻՐՈՒԱԾ ՀՈԳԵԼՈՅՍ Տ. ԿՈՐԻՒՆ Ս. ԱՐՔ. ՊԱՊԵԱՆԻ

      Կիրակի, 6 Դեկտեմբեր 2015-ի երեկոյեան ժամը 6։00-ին, հովանա-ւորութեամբ եւ հանդիսապետութեամբ Տիրախնամ Թեմիս Առաջնորդ՝ Գերշ. Տ. Մեղրիկ Ս. Եպս. Բարիքեանի եւ հրաւէրովն ու կազմակերպութեամբ Թորոնթոյի Հայ Ակումբի Վարչութեան, «Ս. Աստուածածին» եկեղեցւոյ մէջ տեղի ունեցաւ Յուշ երեկոյ մը, նուիրուած՝ Հոգելոյս Տ. Կորիւն Ս. Արք. Պապեանի յիշատակին, որուն մասնակցեցան Թորոնթոյի «Ս. Աստուածածին» եկեղեցւոյ Հոգեւոր Հովիւներ՝ Հոգշ. Տ. Ստեփանոս Վրդ. Փաշայեան եւ Արժ. Տ. Կոմիտաս Աւ. Քհնյ. Փանոսեան, ինչպէս նաեւ եկեղեցւոյս Ազգ. Պատգամաւորներու, Ազգ. Վարչութեան, Ազգ. Երեսփոխաններու եւ Հոգաբարձութեան անդամ-անդամուհիներ։

          Աւարտին, իր Օրհնութեան Խօսքը փոխանցեց Առաջնորդ Սրբազան Հայրը, բարձր գնահատելով Թորոնթոյի Հայ Ակումբի Վարչութեան անդամ-անդամուհիները, ինչպէս նաեւ վեր առաւ Հոգելոյս Կորիւն Սրբազանի բարեմասնութիւններն ու արժանիքները։ Ան երեք կէտերով ներկայացուց Հոգելոյս Կորիւն Սրբազանը՝ 1) Որպէս մարդկային անհատականութեան անձնաւորութիւն 2) Որպէս Մեծի Տանն Կիլիկիոյ Կաթողիկոսութեան հաւատարիմ Միաբան եւ 3) Ազգ. արժէքներով ինքզինք դրսեւորող Հոգեւորական։

     Առաջնորդ Սրբազան Հայրը իր անձնական տպաւորութիւնները եւս փոխանցելով Հոգելոյս Սրբազան Հօր մասին, անդրադարձաւ մանաւանդ Խուզիստանի եկեղեցւոյ օծման յուշերու մասին։

          Ապա, եկեղեցւոյս «Յովնանեան» ներքնասրահէն ներս տեղի ունեցաւ պատշաճ հիւրասիրութիւն։

20151206_191921 20151206_192024 20151206_192239 20151206_192243 20151206_192419 20151206_192424 20151206_200935 20151206_200947 20151206_201739