ԱՌԱՋՆՈՐԴ ՍՐԲԱԶԱՆ ՀԱՅՐԸ ԿԸ ԽՈՐՀՐԴԱԾԷ ԵՐԵՔՇԱԲԹԻ ՕՐՈՒԱՆ ԱՂՕԹԱՍԷՐ ՏԻԿԻՆՆԵՐՈՒ ՏԱՐԵՑՆԵՐՈՒ ԱՂՕԹՔԻՆ

         Երեքշաբթի, 8 Դեկտեմբեր 2015-ի առաւօտեան ժամը 9։30-ին, նախագահութեամբ Տիրախնամ Թեմիս Առաջնորդ՝ Գերշ. Տ. Մեղրիկ Ս. Եպս. Բարիքեանի եւ մասնակցութեամբ եկեղեցւոյս Հոգեւոր Հովիւներ՝ Հոգշ. Տ. Ստեփանոս Վրդ. Փաշայեանի եւ Արժ. Տ. Կոմիտաս Աւ. Քհնյ. Փանոսեանի տեղի ունեցաւ Երեքշաբթի օրուան աղօթասէր տիկիններու տարեցներու աղօթքին, ուր Առաջնորդ Սրբազան Հայրը խորհրդածեց աղօթքի կարեւորութեան մասին։ Այս առիթով նաեւ ներկայ էին Հ.Օ.Մ.ի Ամէնօրեայ Վարժարանի ուսուցչուհիներն ու աշակերտները, որոնց բարձրօրէն գնահատելէ ետք, մաղթեց ամենալաւագոյնն ու գեղեցիկը։

       Աւարտին, նախագահութեամբ Առաջնորդ Սրբազան Հօր տեղի ունեցաւ Հոգեհանգստեան յատուկ պաշտօն՝ 1988-ի Հայաստանի մէջ տեղի ունեցած երկրաշարժի ընթացքին զոհուածներու յիշատակին։

20151208_101902 20151208_101904 20151208_102052